U DHS (MI) ka jylla u Dr. A War da pyntip u wa u Commissioner & Secretary ka chnat Health & Family Welfare da khut yalang u ya waroh kiwa pynlai Hospital ki yong sorkar kamjooh yong ki bru samen hapoh ka jylla yow pyntikna wa iwa jia ha Ganesh Das Hospital ini wa dep ym jia biang i.
U Dr. War da ong u wa hawa phah ya kiwa chitom na kawi ka thaw cha kawi toh u biang i ya pyntip wa i ya sñiawthooh para Hospital yow lait na iwon iwon i pyndik lane i pynslem ya kiwa wan phah sumaar deiwa phah yaki cha ki thaw wa em wa lait thaw yow lait u lait chibet neiwi chibet cheiwi.
Da ong u leh wa ini daw wanrah ko yei suk ya kiwa chitom kamjooh kiwa wan wow synraan ya ki yow lait u mih iwon iwon iwa sñiawsih.
Da pyntip u leh wa neiliang kiwa pynlai ya ki Hospital da pynsñiaw ki yei chem chitom ki wakreh yong ki neidaw manda liwan ki cha yung ym chah ya ki wow psiah ki chapoh yung, da phah leh Quarantine ya ki kamjooh leh em kiwa da chait kiwa mih Hospital kiwa ym em chitom wa emyatoh wa u COVID-19 da em kiwa chah phah leh Quarantine. Da ong u wa ini toh i chah pynchitom ya ki bru kamjooh i chah paitkhmat ki bru wakreh hei chait i khiah.
Chooh chooh da ong u wa lada kamni, lada em i jia kam i ya tyrrah kari, kini ki jooh ki bru wa sumaar ya ki wei ki wakreh ha ki Hospital man ki kiwa da yada bha pyn ya ki hi deiwa pynrap wa kammon u tikna phi manda lai phi cha yaw wym yoh phi ya u COVID-19.
Kamtæ da kyrpaad u ya ki chnong waroh haka jylla wa ym toh pynrkhiñ ware wei wow yaklam wow ya phyllu yumut wa ki Doctor, ki DC, ki SDO wa lada emkaam wow leh yaka Quarantine, wei lada toh u leh, hap wow burom ya itæ.