Jowai: Heiyatoh wa i jied ya kiwa mihkhmat cha ka Dorbar thaw aiñ yong ka ri India ka wow man ha ka 11 tarik uni u bnai, u District Election Officer yong ka West Jaiñtia Hills da kyrpaad u ya waroh ki Dolloi, ki waheh chnong wow ksoh kti lang wow yarap ya ki bru sorkar ki wow wan cha ki Polling Station wa em ha ki chnong ki dong yong ki khnang wow man kawa lai bait lai ryntih ha kani ka Election MP.
U District Election Officer ka West Jaintia Hills da pyntip wei pynkynmoo ya waroh kiwa thap Vote hapoh ka District wa la dep e ya ki Photo Voter Slip, tangwa du da kan ka slip ym ye u pdiang hawa thap Vote ha ki Polling Station, kamtæ emkaam wow rah ya ka EPIC.
Ya kiwa da em Vote tangwa ym em yoh EPIC ki, ye ki wow rah da ki ID kam ka Passport kawa dang krehkaam, ka Driving License, ki Service Identity Card kiwa em dur wa e da ki yung krehkaam sorkar ka sorkar pyrdi, ki Public Sector Undertaking, Public Limited Companies, ki Passbook wa em dur wa wai ha ki Bank næ Post Office, PAN Card, Smart Card wa e da ka RGI hapoh NPR, MNREGA Job Card, Health Insurance Smart Card wa yoh na ka Minister yong ka Labour, ki Pension Payment Order wa em dur, ki Official Identity Card wa e da ki MP, MLA næ MDC lane ka ADHAAR Card yow yoh u thap Vote.
Discussion about this post