July 31, 2021
Advertisement
Ynne ka sngi u National General Secretary ka BJP, u Arun Singh da yachem u wa kiwa kitkaam ka Party ha Ri-Bhoi District ha Nongpoh.
U Arun Singh em u ha Meghalaya neibynta ar sngi wow e mynsien ya kiwa kitkaam wa kiwa kreh ka BJP hapoh jylla.
Hawa e yei klam da ban joor ha ki snem ka sorkar u Modi da wanrah ko chiboon i kylla heiwa ka sorkar da ye ko wow yarap ya ki paidbah heipor wa wan nyngkong wa ka sien wa ar wa wan ka khlam Covid-19 khamtam heipor wa em ka Lockdown.
Da kyntu u ya kiwa kitkaam ka Party wow kreh chirrup wa ki paidbah nadooh na tre kamwa da angnood u montri rangbahdooh ka ri, u Narendra Modi.
U Arun Singh da takit u leh yei krehkaam ki Mandal Committee wa ki Booth Committee ha ka District heiwa da kyntu u ya ki dkhot ka Party wow kreh chitom khnang wow ye ka BJP u synchaar ha u 2023.
Kiwi kiwa da klam ha kani ka sngi toh u Ajay Jamwal, NE General Secretary (Org.), u State President ka Party, u Ernest Mawrie wa u Sanbor Shullai uwa man leh u montri ka sorkar jylla.
