Kyntu u Jamshaphrang wow yarap poisa ka JHADC ya ki Dolloi

Ynne ka sngi ha ka Dorbar Mang Tangka ka JHADC, u MDC ka Liang Pyrchah, u Jamshaphrang Pohtam da kylli u lada ka Council em ko ki laad wow yarap poisa ya ki Dolloi heiwa u CEM, u Thombor Shiwat da jubab u wa em hi deiwa pynrap wa katkam ka Section 18 ka aiñ Waheh Chnong.

U Jamshaphrang da kylli u lada em ka Tax Free Land ya ki Dolloi, heiwa u Thombor da jubab u wa em hi deiwa e nongmuna wa ha Elaka Nartiang em ki hali wa e bhah ym du ya ki Dolloi wot ya ki Sangita, Maji wa kiwi.

U Jamshaphrang da ong u wa boon ki Dolloi kiwa duna hei yoh i la deiwa kylli chooh u wa lada pyrkhat ka JHADC wow e ya ka TA/DA ya ki hawa lai pait thaw ki wow e NOC, wei neiliang u CEM da ong u wa ymye u ong yeini neibhah ympu em booh bhah yeini ha ka mang tangka wei hawa lai wa wan jooh em i ya pynbait wa ki bru næ ki paidbah wa ki Dolloi.

U Jamshaphrang da sñiawkhia u yeini i chakri ki Dolloi deiwa ong wa boon ki Dolloi toh kiwa ym biang ym dap ki wei da kyntu ya ka Council wow pyrkhat noh yeini i chakri ki.

Related posts

Pynlait paidbah u S.K. Lato ya ka kot wa thoh u kawa da e pyrtuid “Ka Seiñraij Kam Ka Seiñ Niam”

April 12, 2026

U lai khang noh ka US Navy ya ka Strait of Hormuz | Ym chah u psiah u mih ki jhaad: Trump

April 12, 2026