Kam chibynta wow pyndooh pyndam ya i sñiawyaphær kyrdan hapoh ka niam Hindu, u khlieh ka Rashtriya Swayamsevak Sangh (RSS), u Mohan Bhagwat da kyntu u ya waroh kiwa ngait niam Hindu wow bood ya ka rukom im wa ong ‘Kawi ka Mandir, Kawi ka Thlu-um wa Iwi donhi i Thaw-thang’ ya waroh.
U Mohan kam chibynta yong i lai u cha Aligarh da klam u cha ki dkhot khynroo ka seiñ RSS ha HB Inter College wa ha Panchan Nagri Park heiwa da ban joor u yei yatylli neibynta ka ri wei wow wanrah yei chongsuk ha kylleiñ.
Da kyntu u ya waroh ki dkhot khynroo wow kynjoh cha waroh ki manyung ka imlang sahlang, wow khut ya ki cha ki yung ki sem yong ki khnang wow ye u wanrah ya ka khubor i chongsuk wei yatylli ha waroh ki liang.
Chooh chooh da ong u wa i Yung man i bynta wa kordor bha ha ka imlang sahlang, wei lyngba i yung daw tip leh yei akor wei burom deiwa kyrpaad wow ya embynta ha ki lehniam waphær waphær (khlem pait ya ka niam) khnang wow pynkhlan ya ka ri.
Discussion about this post