U pynyabi ka Sheikh Hasina ya ka Bangladesh wa ka India lada neh ko hei bor

Uwi na ki heh ka Bangladesh Nationalist Party (BNP), u Shamsuzzaman Dudu da ong u wa ka Prime Minister warim, ka Sheikh Hasina u pynyabi ko ya ka Bangladesh wa ka India lada neh ko hei bor. 

U Dudu toh u Vice-chairman ka party wa sdang da u Khaleda Zia.

Ini i klam u Dudu toh ha ka yalang paidbah wow pyrchah yei chah tynyap ki Muslim ha India deiwa ong leh wa ka Hasina ymtoh du wa yut ko cha India tangwa i thaw sah wa pura ko leh toh ha India.

Da beiñ u leh ya ka Hasina wa pynman broo ko ya ka Bangladesh du wow yoh myntoi ko samen.

Related posts

Dawa ka JSU Narpuh Circle na ka MeECL wow lai pait ya ki chrot bordiñ kiwa ye u haap ha iwon iwon i por

July 3, 2026

Da ki spah ngut ki khon khynroo ka Elaka Sutnga wa psiah dkhot cha ka Hima Sutnga Youth Federation

July 3, 2026

Chooh chooh da ong u wa ki kheiñ ki ya ka India kam ka paralok tangwa ka India ym em kheiñ ko ya ka Bangladesh kamtæ.

Iwa phylla dooh toh wa ini i klam u Dudu wan i du hadien kattu katni sngi wa chah tynyap u heh niam Hindu, u Bhabesh Chandra Roy uwa 58 snem ha Basudebpur iwa jngai du 330 km na Dhaka.

U Roy toh u Vice-president ka Biral Unit ka Bangladesh Puja Udjapan Parishad heiwa ka India leh da beiñ joor ko ya ka Bangladesh hajrong ini.