15 49.0138 8.38624 1 0 4000 1 https://wyrta.com 300 0

Kyntu u Mukul ya ki manbei manpa kamjooh ya ka imlang sahlang wow kynrong ya i stat i tip

0 Comments
Advertisement ad1

Ampati: “Ki skur toh u ye ki u pyntoh pynbiang ya ki khynnah skur yeiwa emkaam ki hei puræ puthi” da ong u Montri Rangbah ka jylla u Dr. Mukul Sangma deiwa kyntu leh ya ka imlang sahlang khamtam ki manbei manpa wow krehlang ki yow kyntu kynrong yei stat i tip ki khynnah.

Ya kini ki kyntien da klam u Mukul heipor wa wai u ya i yung skur ka Garudachal Vidyapeeth Secondary School ha Ghasura, Ampati hei emlang u Deputy Commissioner Cyril V.D. Diengdoh, u Superintendent of Police, Bobby W. Momin, ki sahep sorkar wa kiwi kiwi.

Ya kani ka yungskur da chna lyngba ka Chief Minister’s Special Rural Development Fund (CMSRDF) T. 22 lak. Kani ka skur toh kawa sdang nadooh u 2004 wei ha uni u snem da ye ko u pynmih ya ki khynnah wow yakhun SSLC.

U Mukul da ong u leh wa boon ki skur ka jylla da sdang dei yakrehlang ka imlang sahlang tangwa sñiawsih won u wow yoo yei duna kiwa pass ha ka SSLC na kani ka District.

Hajrong ka dorkhat wa e ka SMC, u Mukul da ong u wa hadien wa sdang e yarap ka sorkar ya ki skur ka imlang sahlang sdang wot ko u randien nei sñiaw mantre ya ka.

Kiwi kiwa da klam ha kani ka sngi toh u Deputy Commissioner ka district u Cyril Diengdoh uwa da ong u i stat i tip toh iwa kongsan bha ha ka imlang sahlang wei da ekhublei u leh ya kiwa da seiñ ya kani ka skur.

0 Comments

Leave a Reply