U MLA ka BJP uwa man leh u minister ka jylla, u Sanbor Shullai da kyntu u ya ki paidbah wow jied Member of Parliament na ka BJP deiwa ong wa da toh i por wow pynkhlan chooh ya ka party.
Da ong u wa lada ka Ri-loom Khasi wa Jaiñtia phah MP ki da uwa na BJP cha Parliament, daw man iwa suk wow ban ya ka Sorkar Pyrdi wow e yeiwa da dawa kam ka Inner Line Permit (ILP) wei i kynthup ya ka ktien Khasi hapoh ka Eighth Schedule ka Constitution.
U Sanbor da ong u wa ka Sorkar Pyrdi daw chimkhia ko yeini lada u MP wan u na ka BJP neibhah wa Party em ko hei bor ha New Delhi.
Chooh chooh da ong u wa ki sorkar jylla wa synchaar du da ka BJP da sakhi ki ya ki kaam pynroi wa har rukom ha kitai ki jylla.
Da kam u wa ha ki 50 snem wa dalai hapoh i synchaar ka Indian National Congress wa kiwi ki party da em kajiak iwa kylla wei lada bichaar yei kylla wa da yoo ha ki 8 snem wa dalai hapoh ka Sorkar Meghalaya Democratic Alliance wa yahkhmat da u Conrad K. Sangma dei kyrchaan ka BJP da em chiboon i kylla.
Heijooh i por da ong u wa da sakhi wa ha ki 53 snem wa dalai hapoh i synchaar kiwi ki party yi wa jia, kamtæ da toh i por wow elaad ya ka BJP wow synchaar ko samen neibynta san snem pura.
Discussion about this post