U Montri sorkar uwa man leh kam u MLA ka BJP, u Sanbor Shullai da kyntu u ya u Lat ka jylla, u CH Vijayashankar wow kyntait ya ka Khasi Hills Autonomous District (Trading by Non-Tribals) (Amendment) Bill, 2026 kawa da em ki kyndon wow hap yaleh Service License uwi pa uwi u Non-Tribal uwa kreh, uwa khayi wa kiwa seiñ khih.
U Sanbor da ong u wa kani ka Bill toh kawa palat yei bor ka KHADC neibhah da man ko leh pyrchah ya ka Constitution wei kani ka aiñ kawa da pynkylla toh kawa da rim la 72 snem kawa em ki kyndon yei wan khih wan khayi ki Non-Tribal wei man ko leh kawa yahaap wa kiwi ki aiñ tangwa kattæ da kwah ko yei bor i wym em hapoh ka Council.
Chooh chooh da kdaw u ya ka Paragraph 12A kawa ong wa lada ki aiñ ki District Council tyngkhooh ki wa ki aiñ ka sorkar jylla næ sorkar pyrdi, ki aiñ ki Council hap rem ki.
Da e daw u leh wa ka aiñ kawa da jooh em pait ko ya kiwa wan khih mylla wan khayi tangwa ki kyndon thymme won daw pynemkaam ki yow pyndik ya kiwa da man kam kiwa chong chnong wa pura ka jylla kiwa man kam ki Non-Tribal.
Da ong u leh wa kani ka Bill toh kawa da tyngkheiñ ya ka Article 14, Article 19(1)(g) wa Article 21 ka Constitution ka ri India.
Discussion about this post