theme-sticky-logo-alt
theme-logo-alt
Advertisement ad1

Kyntu u Waheh Chnong Ialong wow krehlang wa kiwa mihkhmat paidbah

U MLA ka Jowai Constituency, u Wailadmiki Shylla ynnin ka 29 tarik da e u da ki kymmor cha ki kamwa 250 tylli ki manyung na ki 6 tylli ki Dong ka Ialong, West Jaiñtia Hills.

Ha kani ka sngi da em ka yalang heiwa u Waheh Chnong ka Ialong, u T. Phawa da man u kam u kongsan heiwa da kyntu u ya ki paidbah wow em i yakrehlang wa kiwa mihkhmat paidbah khnang wow wanrah ya i roi i paar ha ka chnong wei wow em i yatylli ha iwon iwon i bynta neibynta i bha i miat.

Da e khublei u leh ya u Wailadmiki Shylla wa chynna jngai u ya ka imlang sahlang ya ki manyung kiwa emkaam yarap wei da e u leh i kyrkhu kyrdoh ya u MLA wow dang ye u wow chakri ya ki paidbah ka Constituency.

Ya ka yalang da pynlai da u Bishar Shylla u Waheh Chnong warim heiwa da emlang u General Secretary ka dorbar chnong u Masan War wa ki dkhot chnong, ki manbei wa kiwa kyrchaan ya ka seiñ NPP.

Neiliang ka Dorbar Chnong Ialong da e khublei kyrpang ko ya u Wailadmiki Shylla hajrong i e sñiawbha yong oo. 

Advertisement ad1
Share this:
Previous

Ka Syiem Myntdu kawa pynryntih ya i man i long u Kiang Nangbah

Next

Da pynlait paidbah ya i Music Video ‘SAHNUD’