Jowai: U Waheh Chnong ka Ialong u ma Bishar Shylla da pyntip u wa ki sarok pohchnong yong ka chnong Ialong kiwa da siangrong boon snem nachwa katni da jæt da pra ki wei da sah sa du ki thlu suda tymbud ki luti hapoh ka chnong.
Kamtæ u Waheh Chnong ong u wa da emkaam jhan bha ka chnong wow chna pynmiat noh ka PWD ya ki sarok wa em hapoh ka chnong yow suk ki tre chnong kamjooh kiwa wan uiñsawari kiwa wan ym du napoh ka ri kamjooh na bar ri.
Heijooh i por da ong wa u sarok uwa lai napoh ka chnong Ialong chadooh ka Jowai Civil Hospital, Ialong uwa jrong kamwa chi kilometer da ieh du hei tih khyndaw (earth work) wei ympu em siang psiang ya oo. Uni u sarok toh uwa pynemkaam bha ki bru ka chnong yow lai cha ka Hospital. Kamtæ da kyntu ka chong ya ka PWD yow siang mooria wei wow siang psiang ya uni u sarok yow yoh myntoi kiwa chnong chnong ka Ialong.
Discussion about this post