Jowai : Ka seiñ Khasi Jaintia National Union (KJNU), ha ka khubor wada phah da u President ka seiñ u N.N.Shadap, da pynrem ko ya u Officer In-charge ka Khliehriat Police Station hei yatoh wei chukor u yaki khynnah khynthai , khamtam ya kawi ka manbei ka kong Ridaroy Shadap deiwa ong wa ym em kurim u weida chongkha u waka hadooh wa yoh ko yei khon kynthai ha u snem 2014.
“Heithaw wow yada ya ki khynnah khynthai næ wow yarap ya ki heiwon iwon i por tangwa u Officer Lumlang K. Lyngkhoi da tympiah u yaka manyung ka kong Ridaroy hajrong wa tip u wa da em khon chwa ko nawi wei da kular u leh wow bahkhlieh ya ka lyngkor yong kani ka manyung katwow yoo man u kam u moochynthuh ya ki khon kani ka manbei” da ong ka seiñ.
Kamtæ ka seiñ da kyntu ko yaki bor ka aiñ wa ki bor waha khlieh wow chimkhia ki yei ujor kani ka manbei pyrchah ya uni u bah Lyngkhoi O.C. Khliehriat PS.
“Hajrong wa kreh u kam wow ksoh yaka aiñ tangwa i leh yong oo da daisarom u yaka tnat Police Department wa yaka jaitbru waroh kawi” da pynrap biang ka seiñ.
Discussion about this post