U Montri Rangbah ka jylla, u Conrad K. Sangma ynne da ban joor u yei emkaam u yaklam hajrong i kylla ka suiñbneiñ heiwa da ong u wa ka um ym em pood ko, wei heiyatoh waka um emkaam u yaphyllu hapyrdi ki jylla wa ki ri wei ya ini waroh da klam u haka International Water Conclave, ha Shillong ynne ka sngi.
Da ong u wa i kylla ka suiñbneiñ da sdang ktah i ya ki umchangpet, katda kamtæ emkaam bha u yaklam wow yakrehlang khnang wow ye u yakhun yeini.
Chooh chooh da ong u wa emkaam yaka Water Policy, heiwa ka jylla man ko kawi na kiwa kreh heiyatoh wa i rukom saam, wow pynlang, u yada ya ki thaw rood um, ki thlu-um wei kammon u syndong yaka um.
Ha kani ka yalang da embynta ki chnat kam ka PHE, Soil & Water Conservation, Forest, Agriculture, Fisheries, Mining waka Tourism.
U Conrad da tyrwa u leh wow pynemkaam da ka stat ka juk wa katni wow chim yukheiñ wei wow sylli ya i man i long ka um.
Da ong u leh wa daw em noh ka Data Innovation Center wow pynlang ya ki yukheiñ heiyatoh waka um ha ki chnat krehkaam ka sorkar khnang wow ye u pynemkaam ya ki hadien.
Da pyntip u leh wa ka Asian Development Bank (ADB) da kyrchaan ko yaka sorkar wow chna ya 600 tylli ki Small Multipurpose Reservoirs ha kylleiñ ka jylla wei da chna leh 81 tylli ki Fish Sanctuary ha Meghalaya.
Kani ka Conclave wa ar sngi da chimbynta da ki bru na ka ri Thailand, Nepal, Bhutan, Myanmar, Cambodia wa Vietnam kamjooh ki bru samen wa ki chnat sorkar.
Ya ka yalang da chimbynta leh da u Montri ka Water Resource u Comingone Ymbon, ka Health Department ka Ampareen Lyngdoh, ka chnat Fisheries, u A.L. Hek wa kiwi kiwi.
Discussion about this post