Jowai : Ka All Jaiñtia Hills Social Welfare Organisation (AJHSWO) ha ka khubor na u President yong ka u Ram Biam da kyrchaan pura ko ya ka Jaiñtia Hills Truck Owners Association (JHTOA) ya ka yalang ka wow man ha ka 16 tarik uni u bnai ha Ynñiawmer.
Kani ka yalang toh yong ki tre truck na ri-loom Jaiñtia kiwa yieñ pyrchah ya ki kharkhana pynmih khyndawbilat wa u Clinker hapoh East Jaiñtia Hills District kiwa kynthup ya ka Cement Manufacturing Company Ltd (CMCL) Megha Technical & Engineers Pvt Ltd. MCL (Topcem), JUD cement Ltd, Adhunik Cement Ltd, Hills Cement Company Limited (HCCL) Green valley Industries Ltd. Gold Stone Ltd wa ka Amrit Cement Co. Ltd.
Chooh chooh ka seiñ da kynnoh ko wa hajrong wa da pynbait wa ki bru ka thaiñ u yohkaam ki 60 % na ka ka 100% wei iwon iwon i emkaam ka chnong chwa wow e No Objection Certificate (NOC) na ka chnong wa na ka Sorkar tangwa hadien wa yoh NOC na waroh ar da thung du 10% na ka 100% ia ki tre jylla lait ya ki kattu katni ki Cement Factory kiwa thung 40% na ka 100%.
Lada ki Cement Factory pynemkaam ki da ki Truck 12 chaka wa ki 18 chaka ka seiñ sñiawkhia ko wa man ko kam i wow khanglaad ya ki tre jylla kiwa em du ki truck wa 6 chaka iwa da ktah joor ya ki tre chnong.
Read Also : Ka yalang paidbah yow pyrchah yei lehbeiñ ki Karkhana Khyndawbilat ya ki tre truck
Discussion about this post