15 49.0138 8.38624 1 0 4000 1 https://wyrta.com 300 0
Advertisement ad1

Kyrchaan ka HANM-EJHD ya ka aiñ chongkha ka KHADC deiwa kyrmen wa daw bood ka JHADC yeini

0 Comments
Advertisement ad1
Advertisement ad1

Jowai: Ka Hynñiewtrep Achik National Movement (HANM) East Jaiñtia Hills District da pynsñiaw ko yei sñiawngooh ya ka wa khroo yaka KHADC hapoh i yahkhmat u HS Shylla kam u CEM ka Council uwa chemphang wow pyrkhat ya ka mynried ka jaitbru khian paaid ka wow ye u wiar noh mynried.

Ka seiñ da ong ko wa i leh ka KHADC wow pynthymme ya ka aiñ wow khang pyrchah ya ki kynthai Khasi wow yoh kurim da ki baar jylla wow ye ki khon ki wow man kam ki Scheduled Tribe man ko kawa biang bha ya ka mynried ka jaitbru neibhah waroh chi kattu da chong pyrkhat hi-eh wa kammon u leh hajrong ini waroh.

Heijooh i por ka seiñ da ong ko wa kam ka seiñ ym kwah ko wa i chong kha khleh u ktah ko yei man i long kyrpang ka jaitbru Khasi.

Chooh chooh ka HANM da e ko i kyrchaan wa pura ya kani ka bill wei ngait skem ki wa ka sorkar toh u pdiang noh ko wut-wut ya ka khnang wow man aiñ noh ko neibhah kani ka aiñ man ko kawa emkaam jhan bha.

U Shaniahlang Suchen, General Secretary ka HANM-EJHD da ong u wa ka seiñ da dawa ko na ka JHADC wow bood ya ini i leh ka KHADC khnang wow pyndooh pyndam ya i angnood ki baar jylla wow wan leh business ha kani ka jylla deiwa chongkha khleh wei wow pynchah pyrtuid da ki kynthai kamwa da sakhi wa man katni.

Advertisement ad1

0 Comments

Leave a Reply