Ka Hima Sutnga Youth Federation (HSYF), ynne ka sngi da wan ko cha ka Office u DC ka East Jaiñtia Hills neibynta wow ujor pyrchah yei thmu yong ka MSPCB wow pynman ya ka Public Hearing yong ka Shree Cement ha ka 22 tarik uni u bnai.
Ka HSYF da e ko yei kyrchaan wa pura yei rai ka Dorbar Elaka Sutnga hapoh i yahkhmat u Acting Dolloi wow pyrchah ya kani ka Public Hearing wei neiliang ka HSYF hi i, i daw wa pynman ya ki wow pyrchah toh neiwa wa ini i thaw wa ka Shree Cement thmu ko wow tih moochuni toh iwa haap hapoh u pood u ang ka Elaka Sutnga.
Wei kani ka Shree Cement da leh ko yeini khlem da yoh bor næ yoh NOC na ka Elaka Sutnga.
Kamtæ, ka HSYF da e ko yei kyrchaan ya ka Office u Acting Dolloi ka Elaka Sutnga yow pyrchah ya kani ka Public Hearing wei da khut da wer leh ya waroh ki khon ka Elaka Sutnga chynrang wa kynthai wow ya mih paidbah ha katai ka sngi yow pyrchah yei thmu ka MSPCB.
Discussion about this post