Kyrchaan ka HNYF yei yakhih ka JAC pyrchah ya ka Star Cement wa Dalmia

Kyrchaan ka HNYF yei yakhih ka JAC pyrchah ya ka Star Cement wa Dalmia | Smat u emlang ha iwon iwon i por

Ka HNYF East Jaiñtia Zone da e ko yei kyrcchaan yei yakih wa da pynman da ka JAC ki ar seiñ kitæ ka JHTOA wa ka EJHTOTA yow khang yei lai i wan ki Truck ka Star Cement wa yong ka Dalmia Cement.

Ka JAC da pynman yakhih ko hajrong ka yurim wa kini ki ar tylli ki karkhana wym em burom ki yeiwa da yakut ya pynbait wa kiwa kamai Truck.

Neiliang ka HNYF da beiñ joor ko yeini wa leh kini ki ar tylli ki karkhana wa da jooh myllien ki wow tyngkleiñ wei pyndik ya ki tre Truck napoh ka jylla yong i, wei ini pynyoo ko wa kini ki Cement Company wa kheiñpoh ki ya ki bru tre ri yong i khamtam ya ka jaitbru Ynñiaw Trep Ynñiaw Wasa.

Da ong leh wa lada kini ki Company ym ap ki yei dawa yong ka JAC, neiliang ka HNYF leh smat ko wow emlang wa ini i yakhih ha iwon iwon i por wa emkaam ki yei kyrchaan na ka seiñ.