Jowai: Ka seiñ Hynniewtrep People Federation (HPF) deilang wa ka Hynniewtrep National People Federation (HNPF), ha ka khubor wa phah da u Secretary ka seiñ u Teibor Rynthathiang wa u Lone K. Laloo, da pynbna ki yei kyrchaan wa pura ya ka seiñ JSM-CB hajrong i dawa yong ka wow booh ya ka Government College hapoh East Jaiñtia Hills District.
Neiliang kine ki ar seiñ da ong ki wa ka sorkar toh u wanrah ko ya kani ka thaw puræ wut wut khnang wow yoh myntoi ki khynroo khyllood ka district khamtam kiwa dooh wa rangli ki wym yoh u lai puræ cha kiwi ki chnong wa em hapoh ka jylla kamjooh cha baar jylla.
Kamtæ kiwa yahkhmat kini ki ar seiñ da dawa joor ki na ka sorkar u Mukul Sangma wow pynmih smat noh ya kani ka College neibynta i myntoi ki paidbah.
Ki ar seiñ leh da yaroh ki ya ka seiñ JSM wa wanrah ko kam ya kani ka dawa kawa emkaam bha neibynta ka jaitbru neibhah i puræ puthi toh iwa emkaam doh ha kani ka juk.
Discussion about this post