Shillong: Ka Bharatiya Janata Party, Meghalaya ynnin ka sngi hadien wa mih ki khubor hamsaya wa ong wa da khlaad u MP ko u Vinod Khanna uwa mihkhmat ya ka Gurdaspur Constituency ka Punjab da kynmoo warom ko deiwa pynman ya suki wei dem khlieh wa ar minit.
Kani da leh hei emlang u Vice President ka BJP u Avinash Rai Khanna uwa wan hiar kjat ha Shillong yow yachem lang wa kiwa kreh ka BJP ha Meghalaya.
Hadien wa bna haw wa u Vinod Khanna dang em u ha Hospital wei dang chah sumaar u, u General Secretary ka BJP Meghalaya u David Kharsati da pyntip wa da leh ki yeini neidaw wa em wa pyntip cha ki wa da khlaad u Vinod Khanna wei ym em pyntikna ki yeini.
Ha ka khubor wa phah u Kharsati da ong u wa u Vinod Khanna da yarap ki sumaar wa da yoh u ha Hospital wei da pyneh daw ki ya oo wow im slem u.
U Vinod Khanna toh uwa em kamwa 70 snem i rta da chitom u na i kjut Cancer. Da pawnaam nyngkong u kam u Actor Bollywood.
Also Read: I khang baam doh masi chong ha ki aiñ ki sorkar jylla: Vice President ka BJP
Discussion about this post