Kawi na ki seiñ manbei wa tip kam ka Hynñiewtrep Women Welfare & Development Organization (HWWDO) lyngba ka President, ka O. Suchiang waka Secretary ka B.D. Lyngdoh da e ki yei kyrchaan wa pura heiyatoh i thmu ka seiñ kiwa kamai kari, ka All Jaiñtia Commercial Vehicle Association wow pynman da ka yalang paidbah hajrong i dawa naka sorkar wow kset patok chi rta ya kiwa emkti tynyap dusmon ya kiwa yah kari kamai.
Ka seiñ phah haroh ko ka khubor sñiawlem cha ka yung kitu kiwa yah kari wa chah rahbor wei chah tynyap ha ki bru damok wym em de i sñiaw para bru.
Kamtæ ka seiñ dawa joor ko na ka sorkar wa toh u pynchitom deiwa khor wei kset patok chi rta, lym kamte ka chnong ka thaw em ko hei maa wa khroo wei wym chngaaiñ de ya ki kynthai khynnah wot kiwa da heh kamjooh.
Chooh chooh ka seiñ e mynsien ko ya kiwa hayung yong kitu kiwa chah tynyap, ka seiñ daw yakrehlang ko hadooh wow jop wei u pyndooh jait syndon ya kam kini ki jaitbru.
Puræ leh: Dawa ka AJCVA wow kset chirta ya kiwa tynyap ya kiwa kamai kari
