theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Dawa ka AJCVA wow kset chirta ya kiwa tynyap ya kiwa kamai kari

Ka All Jaiñtia Commercial Vehicle Association (AJCVA), ka seiñ kiwa yah kari kamai wa kynthup hadooh 45 tylli ki Association wa em ha Ri-loom Jaiñtia East waka West, dap ko dei sñiawsih wa khroo heiyatoh i chah rahbor wei tynyap dusmon ya ki arngut kiwa yah kari kamai du hapoh chi tayaw.

Ka seiñ lyngba u President yong ka, u Paila Kordor Lyngkot da beiñ joor ko ya ki bru wa emkti wei kyrpaad ko leh ya ki bor ka aiñ wow e i pynsaja wa khor deiwa kset patok chirta.

Heiyatoh wa ini ka seiñ daw pynman ko leh yaka yalang paidbah yow pynbor ya ki bor wa toh u pait wow pynchitom ya kiwa emkti dei wow kset patok chirta, neibhah la jia wa kini ki bru lait biang ki daw booh ko hei maa wa khroo ym du ya kiwa yah kari tangwa wot ki paidbah ka imlang sahlang kamjooh.

Ya ka tarik wa ka thaw wow pynman yalang, ka seiñ daw pyntip won ko haki kajiak sngi, neibhah wa daw ya embynta lang da waroh ki seiñ kamai kari waphær waphær hapoh ka jylla Meghalaya, kam ka Hynniewtrep Taxi Association Shillong, ka Joint Action Committee Riwar Mihngi Tourist Vehicle, ka Mawkyrwat Tourist Taxi Drivers & Owner Association, ka All Shillong Tourist Taxi Drivers & Owners Association, ka Nongthliew Area Indica Owners & Drivers Association, ka SSTTODA , ka Iatylli Tourist Owners & Drivers Association, ka Nongstoin Shillong Ertiga Owners & Drivers Association, ka All Meghalaya Tourist Taxi Welfare Association, ka Sohiong Area Owners & Drivers Tourist Taxi Cab Association, ka SATDA, ka Tyrsad Area Tourist Taxi Owners & Drivers Association wa kiwi kiwi.

Heijooh i por ka seiñ kyrpaad ko ya ki khon ka Bri u Ynñiawtrep wa em i bahkhlieh neibynta ka ri waka jaitbru wow sñiawbha ki u ya wan cha ka yalang paidbah kawa daw pyntip tarik wei thaw hadien.

Share this:
Previous

Ym em yoh ka Pynthorumkhrah yei roi i paar ha kini ki 20-25 snem: Conrad

Next

Wan pynyoo kiwa boon yei kyrchaan ya u Suni Bareh