Shillong : Ka seiñ Jaiñtia Students’ Union, Shillong Circle da pynsñiaw ko yei mynsien wa khia hei yatoh wei chah kyrriah kaam u Arunkumar Kembhavi kam u DC ka West Jaiñtia Hills du neidaw wa em iwon iwon i daw cha lyndet.
Ka tnat da e ko i kyrchaan wa pura ya ka MPUF hei yatoh wa ka yalang paidbah ka wow man mynstep ka sngi 11 tarik ha Laad College, ka Kiang Nangbah heipor 11 waje i step.
Ka seiñ da kyntu ko leh ya ki paidbah wa em i bahkhlieh ya ka jaitbru wow wan cha kani ka yalang paidbah wow pynneh biang ya u Arunkumar Kembhavi kam u DC ka West Jaiñtia Hills District.
“I emkaam i wow pynneh ya kam uni u bru u wym pyndem haphrang ki heh ki haaiñ kamjooh ki bru politics” da ong u president ka JSU, Shillong Circle u E.C. Dkhar.
Da ong chooh chooh u wa ini i chah kyrriah kaam u DC toh neidaw wa em ki bru ki wym yoh u leh katwa ngait hi-eh ki khlem pyrkhat ya kiwa boon wa lang.
Discussion about this post