Ka Meghlaya Rural Tourism Forum (MRTF) haka kyrwoh wa phah da u President yong ka u Alan W Kharkongor da ong u wa kiwa boon ki thaw uiñke suwari wa em hapoh ka jylla toh kiwa em cha ka thaaiñ nongkyndong kamtæ ka Forum da kyntu ko ya waroh ki dkhot yong ka kamjooh ya kiwi wow khang ya ki Guesthouse waki Homestay ha kam kini ki por hadooh wa duna i poor u khñiang COVID-19.
Ka Forum da ong ko wa hanla da dooh nong na i em ki yakhih kamjooh i ktah yei krehkaam ka aiñ, ka MRTF man ko kawa em i kitkhlieh ha kam kini ki por wow chim yaka rai yow khang yei poor u khñiang COVID-19 lyngba kiwa uiñke suwari khamtam cha ki thaaiñ nongkyndong kiwa jngai na ki thaw sumaar lada yoh ki ya uni u khñiang na kiwa wanke.
Da ong leh wa ha kini ki kajiak sngi da yoo wa kiwi ki jylla wa em chajan kam ka Sikkim, Arunachal waka Manipur da chim ki yaka rai wow khang ya waroh kiwa uiñke suwari kiwa napoh ri kamjooh kiwa na baar ri hanla man ko ka dooh nong yaka jylla kamjooh ki paaid nongkyndong kiwa chaniah haka kaam uiñke suwari, kyntu wei kyrchaan ko yei khang u wan kiwa uiñke suwari napoh ka ri kamjooh kiwa na baar ri.
Discussion about this post