Jowai : Ka seiñ Pnar Student Union (PSU) ha ka yalang (General Executive Committee) yong ka ha ka 25.06.2016, ha Office krehkaam ka seiñ, da rai ki u kyrchaan pura ya ka seiñ Khasi Jaintia National Union (KJNU) ka wa yieñ u yaleh yow yoh ya ka jylla Khasi Jaiñtia Land.
Ka seiñ PSU ong ko wa da toh i por wa u yoh i i yong i hi i pyrtuid ka jylla hei pyrtuid ka jaidbru yong i. Lada pait cha kiwi ki jylla ka ri kam ka Assam heiwa chong du ki jait bru Assamese, ha Mizoram du ki jait bru Mizo wa ha Nagaland leh kamjooh.
Ka seiñ leh da yaroh ko ya u President ka KJNU u N. Shadap wa em u i stad i pyrkhat wa i rai wow dawa khlem ran dien hadooh wow yoh ya ka Khasi Jaiñtia Land. Ka seiñ leh da rai ko leh u yachim bynta ha ki waroh ki yakhih paidbah yow yoh ya ka jylla.
Ha kani ka yalang ka seiñ PSU leh da pdiang sñiawbha ko ya u President yong ka u Kyrshan Rymbai uwa chah phareb wa emkti u ha u tynap bru ha Mukhla.
Kani toh katkam ka khubor wa pynmih u General Secretary ka seiñ u W. Syngkon.
Discussion about this post