Kyrchaan ka seiñ kiwa kamai kari yei beiñ ka MPUF ya ki pulit

Jowai: Ka Jowai Ladrymbai Khliehriat Tourist Taxi Association(JLKTTA )West Jaiñtia Hills hadien wa ngiah ko ye sylli kot kari khlemkaam ya ki kari hadien wa em ki kot ki sla kiwa biang da ktah lang ko ya kiwa chong kari heiwa da thut i lai i wan kiwa chong kari da kyrchaan yei beiñ ka seiñ MPUF ya ki pulit.

Neiliang ka seiñ kiwa yah kari da kyntu joor ki ya u DH Pde, Police Traffic In-charge yow pynmih hukum yow pynduna yei sylli ya ki kot kari wei yow pynbiang ya ki receipt manda su ya ka kuna wei na ki truck leh chim poisa khlem e receipt wei ka seiñ daw chondur ko yow pynyoo pyrthai yeini waroh.

Hei yatoh won yei sylli ya ki kari kamai toh u pynman ar sien chi bnai ym toh kamwa leh ki katni hadooh arsien lesien chi tayaw.

Ka seiñ leh da ong ki wa da yoo phylla wa hadooh ki kari ki bru samen leh dang chah pynsangeh ki ha ki pulit  kiwa da biang ya ki kot ki sla tangwa ya ki bus won ym jooh em chah pynsangeh ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya kiwa kamai kiwa da tip ki leh wa da biang ya ki kot ki sla won ha Soomer haap ma sai ya ki kot ki sla yow pynyoo ha ki pulit wa khlan u yieñ heitai i thaw.

Kani toh katkam ka khubor wa phah da u Adviser ka JLKTTA u Pillarstone Phawa.

Also Read: Ood ki paidbah yei slah sylli kot kari ki pulit ka Traffic WJH: MPUF