Ki seiñbhalang wa kynthup ya ka Jaiñtia Students’ Union (JSU), Jaintia Youth Federation (JYF) wa ka East Jaiñtia National Council (EJNC), da e chithi ki ha u DC ka East Jaiñtia Hills heiyatoh wa ka Stage-II yong ka Myntdu-Leshka Hydro Electric Project ya kawa daw kreh noh katu.
Kani ka Joint Action Committee kini ki le seiñ da kyrchaan ki neibhah kani ka Project daw myntoi ko ya waroh ka jylla Meghalaya.
Neiliang ka JAC da e buit ko wow rah noh yei thaw thung dieñ na West Khasi Hills District cha ki District ka Jaiñtia Hills neibhah em boon ki thaw wa emkaam wow pynboon biang yei khloo ha Ri-loom Jaiñtia.
Ka JAC da kyntu ko leh wow thung kreh ya kiwa na kini ki District ka Jaiñtia Hills katkam i bor yong ki wei wow pdiang chwa da kiwa kreh kiwa na Ri-loom Jaiñtia ymtoh u wanrah na baar wei lada wanrah na baar emkaam wow biang ki kot ki sla kam ki Labor License wa kiwi kiwi ki kot wa emkaam.
Da ong wa kani ka kreh toh u myntoi ko kiwa chong chnong ha kini ki ar District.
Chooh chooh da kyntu wow kynthup ya ka chnong Borghat hapoh ka Local Area Development neibhah daw em kiwi ki chnong kiwa daw chah ktah na kani ka kreh ya kani ka Dam mynried mankawi.
