U Lat ka Meghalaya, u Phagu Chauhan da pynman ya oo kam u President kamjooh u Life Member yong ka Indian Red Cross Society (IRCS), Meghalaya Branch ha ka yalang World Red Cross Day ynne ha Raj Bhavan Shillong.
Yow ban joor ya ki thong ka International Red Cross wa ka Red Crescent Movement, ka phang pyrdi yong uni u snem man ko “Everything we do comes from the heart”.
U Lat hawa e yei klam da yaroh u ya ka Meghalaya Branch yong ka IRCS kawa da yarap hawa em i jia wa pynthut ka rymaw wei yei pynman ko leh yei e snaam sñiawbha wa kiwi kiwi. Da ban joor u ya ka sorkar wow pyndooh pyndam ya ka kjut Nianglyngut (Leprosy) wa Tuberculosis (TB) hapoh u 2025 katkam ka thong ka sorkar pyrdi deiwa kyntu ya ki paidbah wow krehlang wa ka IRCS.
Da e nongmuna u yei sahdein wei wym biang tiar ka thaw sumaar ka Society kawa neibynta ki manbei wa ki khynnah kawa da krehkaam palat 100 snem na ka yung wa em ha Howell Road, Laban, u Lat da ban joor u yei emkaam wow pynmiat ya kani ka thaw e sumaar ka IRCS deiwa yarap ka chnat i chait i khiah ka jylla.
Hajrong ka TB Free India Campaign wa i kyrchaan ya ka sorkar Meghalaya, u Lat da pynpsiah pyrtuid ya oo kam u Nikshay Mitra (Donor) heiwa da e yarap u T. 90,000 cha u State Tuberculosis Officer neibynta ki 15 ngut kiwa kjut TB ha ka jylla yow pynemkaam ya kani ka poisa yow yarap e baam ya ki neibynta 6 bnai.
Hajrong i kreh neibynta ka Society, da tipmit noh ya 24 ngut wow man ki kam ki Life Members ynne ka sngi.
Ha kani ka sngi u Lat da thung u leh ya ki tre dieñ ha kpær ka Raj Bhavan.
