U MLA ka Mawsynram, u Ollan Singh Suin da e u yei kyrchaan yei rai ka Dorbar Chnong Mawsynram wym chah yei pynman ya ka krem Mawjymbuiñ kam ka thaw mane Blai yong kiwon kiwon.
Kiwi de kiwa e yei kyrchaan toh uwa e ktien ka NPP uwa man leh u MLA warim ka Mawsynram, u Himalaya M Shangpliang uwa da kyrchaan yeini i rai ka dorbar chnong, uwa da ong wa kani ka krem toh kawa pawnaam bha wei kiwa wan paitke da wan ki na kylleiñ kylleiñ.
Da ong u wa ka sorkar toh u booh bha wei pynbha yei miat kani ka thaw wei dang ini wadep, ka chnat Tourism da mang poisa ko wow pynmiat chooh chooh ya kani ka krem deiwa pynlut boon lak tangka.
Da ong u leh wa ki thaw uiñke suwari ymtoh wow e laad u pynman ki kam ki thaw mane Blai yong uwon uwon.
Chooh chooh da ong u wa ka thaaiñ Mawsynram em ko ar tylli ki krem, kawi ka krem Mawjymbuiñ wa kawi won ka krem Puri wei kini toh kiwa da kyrkhu da u Blai.
Discussion about this post