Kyrchan ka MSSASA-JHD ia ka Peace Rally ki nongsikai SSA

Jowai: Neidaw i wym chimkhia ka Sorkar Jylla u kyntu ia ka tulop iong ki nongsikai 4^th teacher kiwa em ha ka jylla, Ka Meghalaya SSA Schools Association (MSSASA) Jaintia Hills District da rai ko u e i kyrchan wei u iaksohktilang ha ka Peace Rally wa da khut da ka All Meghalaya SSA Schools Teachers Association (AMSSASTA) ha ka 19^th October 2015. Ia kani ka rai da chim ha ka Executive Committee iong ka Association kawa da man ha ka 25 tarik u Naikhynde 2015 ha Circuit House Conference hall Jowai, ha kawa ki President, Secretary wa ki dkhot ka Executive Committee na Thadlaskein, Laskein, Khliehriat, Saipung wa Amlarem Block emlang ki.

Kam wow pynkynmoo ka Sorkar ha u snem 2013, katkam ki iakut iong ka Executive Committee ka Sorkar jylla, wa ka Project Approval Board (PAB), 2013 (Government of India), Ministry of Human Resource & Development (Department of School Education and Literacy), da kyntu ia ka tulop iong ki nongsikai SSA na ka T.6000 cha ka T. 9200 ia ki Lower Primary wa T. 6000 cha ka T. 9900 na ka bynta ki Upper Primary, tangwa ia ki nongsikai 4^th teachers kiwa sikai ha ki Upper Primay won ka Sorkar Jylla pynneh ko kamjooh T. 6000 nadooh u snem 2013 hadooh katni han la i kreh ki man ijooh i kaam u chakri wow e i stat i tip hapoh ka jylla. Ha i iachem iong ka MSSASA Jaintia hills District ia u Director ka School Education wa Literacy Meghalaya, u Ambrose Ch. Marak ha ka 4 tarik u kmaichonglad 2013 ha chirup ithoh katkam ka chithi no. MSSASA – JHD/Gen/2013-2014/42 dated Jowai the 4^th December 2013 wow iaklam hajrong i kaam iong ki nongsikai 4^th teacher kawa da e copy leh cha u Deputy Chief Minister I/c Education Department wa cha u Principal Secretary Education Department iong ka Sorkar jylla, u Director da kular u wow chim khia wei u phah ia i ejingmut cha ka sorkar. Chooh chooh ha ka 20 tarik u Duiatra 2014 ka Association da lai ia chem biang ko ia u Director ka DSEL yow booddien ia kani ka jooh ka mat, ha kawa neiliang iong Oo, da pynyoo u ia ki kot ki sla wa da dep phah ia i jingmut yow kyntu ia ka tulop ki 1521 ngut ki nongsikai (4^th teachers) hapoh ka jylla cha u Special Officer to the Govt. of Meghalaya Education Department katkam ka chithi no. DSEL/EL/GB/Adhoc-UPS/2013/49 dated Shillong the 20^th December 2013. Ha ka 23 tarik u Naisan 2014 ka Association da lai ia chem biang ko ia u Director ka DSEL, wei neiliang iong Oo, da phah biang u ia ka chithi pynkynmoo cha ka sorkar jylla katkam ka chithi no. DSEL/EL/GB/Adhoc-UPS/1/2013/66 dated Shillong the 29^th March 2014 hajrong ijingmut wow kyntu ia ka tulop ki nongsikai (4^th teachers), u Director da pynkynmoo biang ia ka sorkar yow leh iwa emkaam hei iatoh wa ka tulop ki nongsikai 4^th teachers katkam ka chithi no. DSEL/EL/GB/Adhoc-UPS/1/2013/71 dated Shillong the 5^th July 2014, da ong haroh u wa ka file katni da em ko hapoh Finance & Planning Department, tangwa man won iwa sniawlyngngoh ia ka Association wa han hadien wa u Dr R.C.Laloo Deputy Chief Minister in-charge Education Department ka Sorkar Jylla da dep u khana wei kular ha khmat ki nongiahkhmat ka All Meghalaya SSA Schools Teachers Association (AMSSASTA) wa da dep leh lut ia iwa emkaam waroh wei sah sadu chisien u iachong yalang wa u Myntri Rangbah ka Jylla kattæ dep kaam, hantæ, hadooh katni ym pu ye u kyntu ia ka tulop iongki, da sah sadu ha i yimphoosnu ia ki 1521 ngut ki nongsikai 4^th teachers kumjooh ia waroh ki nongsikai SSA hapoh ka jylla.

I pynslem ka sorkar u kyntu ia ka tulop iong ki da booh ko ia ki nongsikai ha i jingeh wa khroo wow pyndap pynbiang ia ka yung ka sem wa kiwi tawan i emkaam ha i ioh wa du T. 6000 chibnai neibhah wa ki mar ki mata da ku dor lut nadong chadong. Hajrong kani ka nongrim ka Association ym ye de ko u yang wei u peitke hi eh ia ini i pynslem iong ka sorkar wow kyntu tulop ia ki. Kamtæ deiwi i mut da rai u e i kyrchan ia ka Peace Rally wa da khut da ka All Meghalaya SSA Schools Teachers Association (AMSSASTA) wei kyrpad ko leh ia waroh ki nongsikai SSA hapoh ka East wa West Jaintia Hills kamjooh ia ki 12,481 ngut ki nongsikai SSA hapoh ka jylla waroh kawi u wan iamih paidbah ha ka 19 tarik uni u bnai yow iasnohktilang khnang wa kani ka Peace Rally u man ko kawa jop, ong u Bah Aris C. Rymbai President ka Meghalaya SSA Schools Association (MSSASA) Jaintia Hills District.