Ynne ka sngi ka 30 tarik neiliang ki ar seiñ wa kynthup ya ka JYF Jowai Circle wa ka FKJGP Jowai Circle hapoh i yakhmat u President ka seiñ, u Neal Jordan Rymbai wa u Robest Lamare da lai yachem ki ya u Deputy Commissioner ka West Jaiñtia Hills District, u Garod LNS Dykes.
Ha ini i yachem toh wow yaklam hajrong i bynta wa ym yoh de u noh-jhep ha i thaw wa jooh noh ka Jowai Municipal Board iwa em ha Mynkjai.
Neiliang ki ar chnat ki seiñ da kyntu ki ya ka Board wow wan kit noh ya i jhep wa sah ha yung ki bru.
Manda yachem wa u DC ka District, da pyntip u wa neiliang ka JMB u sdang lithooh noh ko ya i jhep na yung ki bru nadooh mynstep ka 31 tarik.
Ki ar seiñ da ngait skem ki wa ka JMB u sdang noh ko wow lithooh ya i jhep wei wow lai noh ha i thaw wa da jied kyrpang katkam wa da pyntip u DC.
Kani man ko katkam ka Wyrta na u publicity secretary ka JYF Jowai Circle, u Clifford Marx Shylla.
