15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Da pynman ya ka Poshan Pakhwada ha East Jaiñtia Hills District

Advertisement ad1

Ya ka Poshan Pakhwada da lehwarom ya ka ha East Jaiñtia Hills District, ynne ka sngi ha Jalaphet Bri Sumer (7 Kilo) Community Hall wei ya kani ka sngi da pynman da ka yung krehkaam District Programme Officer chirup wa kiwi ki chnat hapoh ka District. 

U Dr. D. Shylla, District Medical & Health Officer, da man u kam u kongsan heiwa da pynsñiaw u yei emkaam ki baam wa tei khamtam ki jhoor khloo wei i emkaam wow pynman ya ki Poshan Panchayat namo i pynsñiawthooh paidbah chaphang i emkaam ya ki baam wa tei hapoh ki chnong. 

Da khana u leh yei emkaam ki 1000 sngi ha i rta ki khynnah nadooh wa kha wa emkaam bha ki yei baam wa tei hadooh wa dap ki ar snem wei ki kynthai wa pun-khon leh emkaam ki u baam ya ki baam wa tei neibynta i bha i khonboo wa dang ha kpoh. 

Da kyntu u leh ya ki kynthai wow Register wei wow lai e pait (Check-up) ki dei langær heipor wa pun-khon ki. 

U District Child Protection Officer, u T. Kyndiah da klam u hajrong ka aiñ POCSO Act, deiwa kyntu ya ki bei ki pa wow em ki i yajan wa ki khon yong ki. 

Ha kani ka sngi da yoh leh i klam na ka R. Bareh, Child Development Project Officer, Saipung Project; u S. Rymbai, District Coordinator, Poshan Abhiyaan; ka Y. Najer, District Programme Officer, DPO, ICDS (Cell) Jowai kawa da e ya ki kyntien pdiang burom wa ka C. Pale, Child Development Project Officer, ICDS Khliehriat da e ko ya ki kyntien khublei. 

Ha kani ka sngi da saam leh ya ki symbe soh cha kiwa kreh Anganwadi wei da e leh ya ki Award cha ki Anganwadi kiwa da pawkhmat bha ha ki kaam yong ki. 

Share this:
Previous

Kyrmen skem ki ar seiñ wow leh noh ka JMB katkam wa da kular u DC ka West Jaiñtia

Next

Pynman ka Kur Shylla yaka Chaad Pastieh