Jowai: U Kyrtong ka BJP na 6 – Khliehriat Constituency u Justine Dkhar ynne ka sngi hadien wa thap pyrtuid wow yaleh MLA da ong u wa ka East Jaiñtia Hills toh ka District kawa thymme katwa kamtæ emkaam wow wanrah ya ki yungkrehkaam wa pura namo ki Head Office hapoh kani ka District katkam watoh u man hapoh ka District khnang wow pynsuk ko ya ki paidbah waroh.
Da ong u leh wa ka East Jaiñtia Hills man ko ka District kawa dang emkaam chiboon ki kaam pynroi nadooh ki sarok, ki yingkieñ, ki thaw puræ, wa kiwi kiwi.
Heijooh i por da ong u wa kam ka District Head (Khliehriat) emkaam wow wanrah leh ya ka JNV ya kawa oo da lai luti u wei katni dang man ko kawa dang sahteiñ, ka ICAR kawa da booddien u heiwa u yoh ki paidbah ya ki esikai waphær waphær kam ki psan dakha, ki rep ki riang, wa kiwi kiwi khnang wow ye ki u yieñ ha ki yong ki hi ki kjat.
Chooh chooh da pynrap u deiwa ong wa i rah ya ka C&RD Block na Wapung cha Lumshnong toh ka kaam politics donhi neibhah chwa ka Election ymye hi u wow leh iwon iwon wei ini dang pynmih donhi ha ki kot, wei kyrmen u leh wow rah biang ka cha Wapung.
Discussion about this post