Shillong: U MP ka Congress na Shillong Parliamentary Constituency, u Vincent H Pala da ong u wa ka Congress kyrmen ko wow rah ya ka thong na ka election na Williamnagar kawa da dep thap vote ynne ka sngi.
Hawa yaklam wa kiwa pathai khubor, u Vincent da ong u wa hanlada ym em u yoh u wow lai yalap Election neidaw wym em sñiaw khlan u ha kini ki sngi, tangwa kamwa yoo u, ka kyrtong ka Congress ka Deborah C Marak em ko hapyrdi wow rah yei naam jop.
Da kam u wa ka yakhun toh hapyrdi u kyrtong ka NPP u Marcuise Marak, hanlada em na kiwi ki party kam ka BJP, NCP, UDP wa ki kyrtong samen.
Hajrong ka sorkar thymme wa yahkhmat da ka NPP hapoh ka jylla, u Vincent da ong u wa katni ympu ye u wow ong iwon iwon neibhah wa dang chong ko hei bor dang du chi bnai tam wei hadien chi snem shiteiñ ye wow kdaw yei bakla yong ka neibhah wa boon ki montri kiwa dang thymme bait.
Ha iwi i liang, da kyntait wa daw mih noh u na ka Congress kamwa da klam ka khubor hamsaya, wei da ong u wa kam u bru ka Congress u em bait u wa ka hanlada em chiboon ki lok u kiwa ym em de wa ka katni.
Da ong wa du neidaw wa yalok u wa kiwi ki heh na kiwi ki party ym mut wa oo leh u kylla noh u ya ka party neibhah kam u MP yatoh lok u wa ki wa boon ngut ki bru ki wym toh ki MLA ka Congress.
Ha i jooh i por da kyntait u wa em i dawa wow pynkylla noh ya kiwa yahkhmat ya ka Congress Legislature Party (CLP) kamwa da thai wa ki MLA ym sñiawsuk ki wa yahkhmat da u Dr. Mukul Sangma.
Da ong u wa kani toh du ka khubor hamsaya neibhah wa ka party em bait i yaphær yumut kajiak wei ymye u pyndooh yeini waroh.
Ya ka election chiteiñ samoi ha Ampati, u MP ka Shillong ympu kwah u wow ong iwon iwon hadooh katni ya ki kyrtong na ka party.
Discussion about this post