I iñ khloo wa jrong bha da sakhi da kiwa boon ki bru ynnin i miet ha thaaiñ Sumer, Ri-Bhoi heiwa ki loom wa em ha rood sarokbah Shillong-Guwahati da che ki lakam wa em boon tylli ki kari wa lai luti.
Yeini da sakhi leh da u MLA ka Amlarem, u Lahkmen Rymbui uwa da pynsñiaw yei sñiawkhia u yoo yei chah ktah ka ramaw na kam ini wa jia heiwa da kyntu u ya u Montri Rangbah, u Conrad Sangma wow chimkhia ya ini i kaam yow lait u chah pynsih ka bei ramaw.
Ini i diñ ymtip lada toh em kiwa thang namo wa kop hi i wei ini wa dep leh ha ki bynta ka kiwa boon ka Khasi Hills da em hadooh 40 sien i iñ ki khloo du hapoh chi tayaaw katkam wa pyntip da u G. Kharshiing, Inspector General ka Meghalaya Fire & Emergency Services.
Da ong u leh wa em i por neidaw wa joor raw ka pyrthai da wanrah yei sdang i diñ wei i joor ka la’ær da pynpoor smat ko yei diñ tangwa em won ki por wa thang hi ki bru nei leh khalær hadooh wa da kyrooh i diñ.
Ha kini ki sngi wa dep da em leh i iñ khloo ha ki bynta ka Golf Links neitæ ha ka thaaiñ Lumparing, Malki wa Motinagar wa em ha Shillong.
I iñ khloo man i leh iwa chitom wow lai tympleh neibhah em ki por ki thaw man ki ki wym lait ki kari tympleh diñ u lai.
Neiliang ki DC kiwa boon ki District ka jylla neipor cheipor da jooh pynmih hukum ki yow khang ya ki bru wow thang khloo ki.
Discussion about this post