Ka Federation of Khasi, Jaintia & Garo People (FKJGP) da kyrpaad ko ya ka Health Department wow sangeh u pynbor wow leh Aadhaar ya ki khynnah wa emkaam yei sumaar jhan (Medical Emergency) neibhah wa boon ki manyung ha palatsor chem chitom bha ki.
Ka seiñ da thoh ko cha u CEO ka State Nodal Agency for Meghalaya Health Insurance Scheme, heiwa u President ka seiñ, u Dundee Cliff Khongsit da ong u wa boonsien ki manbei manpa da chah pynbor ki wow e ya ka Aadhaar Card ki khon wow myntoi na ka MHIS Scheme.
Da kdaw u wa boon ki manyung ha palatsor ym ye ki wow Register ya ki khon ki na ki daw wa boon.
Ka seiñ da pynkynmoo ko wa u Aadhaar ymtoh uwa emkaam hawa jhan i kaam neibhah i kyntait man iwa pyrchah ya ka hok manbru yeiwa da pynksan leh da ka Supreme Court.
Chooh chooh da ong wa boon ki manyung ha palatsor chem chitom ki nei slem i kaam hanlada em ki manbei manpa ya u Aadhaar.
Da ong leh wa kam ini ktah ko ya ki manyung wa duna hei yoh i laa khamtam kiwa na palatsor.
U Khongsit da ong u leh wa boon ki Registration Counter kiwa suki u krehkaam heiwa hap yang slem wow yoh Aadhaar wei kam ini ymtoh u pyndooh i yei hok ki khynnah wow chah sumaar ki hawa jhan i kaam.
Discussion about this post