Ka HANM Jaiñtia Zone da kwah ko wow ya krehlang ki paidbah, ki bru sorkar wa ki seiñbhalang yow wanrah yei khooid yong ka chnong Jowai wei wow thooh ki laad ki luti kammon wow pyndooh yei jakhlia jakhlait ha Iawmusiang.
Neiliang u Working President ka HANM Jaiñtia Zone lyngba u Working President, u Pynshngain Papang da kyrpaad u ya ki paidbah wa chong chnong wow sñiawbha u e laad wow theh ka Municipal yei jhep ha ka krem mooyong kawa ym em de pynemkaam wa da e da u Damewanhi Rymbai kam ka thaw noh jhep wa chi por wei sa iwi leh wa kani ka krem mooyong toh kawa da ieh khlem pynemkaam kawa da booh hei maa ya ki paidbah wa chong chnong wa lai wa yieñ na rood katai ka krem.
Ka seiñ da kyrpaad ko ya ki paidbah wa ki seiñbhalang wa ki bru sorkar wow pynyoo ya ki laad ki luti i wym kut du hei pyrchah.
Da kyrpaad leh ya ka sorkar wow thooh ki laad ki luti wow booh noh ya Recycling Plant ha ka thaaiñ khnang wow pynduna ya ki tngit Plastic wei wow man i myntoi ya u paidbah ka Ri-loom Jaiñtia waroh kawi.
