Heiyatoh wow pynyoh yei thaw noh jhep neibynta ka chnong Jowai, neiliang u Montri Rangbah ka jylla, u Conrad Sangma da ong u wa ka sorkar chimkhia ko ya ini i kaam wei da pynman ya boon tylli ki yalang wot hadooh ynne ka sngi.
Da pyntip u wa ynne ka sngi, u Symbood Montri Rangbah ka jylla, u Montri ka chnat kaam sor, u MLA ka Jowai da yachem ki kamjooh ynnin ka sngi leh deiwa pynrap wa kani ka kaam toh kawa kyllaiñ bha neidaw wa pyrchah ki paidbah kut wa jied yei thaw noh jhep.
“Kamtæ ka sorkar kattu hap ko wow pyn-eh wei dadep u yaklam kammon u leh,” da ong u Conrad deiwa khlem khana kammon ka rai wa da chim u leh tangwa daw pynbna ha kini ki sngi kammon wa da rai.
Da pynrap u wa ini ym toh kawa ye u pynbait smat wei emkaam chwa wow yoh yei thaw wow noh jhep chi por wa kawi ka thaw wa pura kawa leh hei rukom wa biang ka wym ktah. Deiwa e nongmuna wa ha Tura da dep wow pyrchang da ka Company kawa na South Korea wow pynkylla yei jhep kiwa ye u pynemkaam kam i diñ hei chet i tu. Wei daw pynyoo kammon wa krehkaam ini kamtæ da ong u wa ka sorkar da thooh ko kam kini ki laad wow pynbait ya ini i kaam.
