Ka HITO-Jowai Circle ynnin ka sngi da thoh ko cha u Deputy Commissioner uwa man leh u Chairman ka DSC ka West Jaiñtia Hills wow kyrpaad kyrriah ya ka Exam DSC neidaw wa tyngkhooh sngi ko wa ka Exam MPSC.
Neiliang ka HITO da ong ko wa ka Meghalaya Public Service Commission (MPSC) wa ka District Selection Committee (DSC) West Jaiñtia Hills da booh ki ki jooh ki tarik wow pynman ya ka Exam ha ka 21 wa 28 tarik uni u bnai iwa booh ya kiwa yaleh kreh hei doom i langoh neibhah wa hap jied ki kawi na ki ar Exam wow yakhun.
Hajrong ini neiliang ka seiñ da kyntu wei da dawa ko wow pyrkhat dei miat deiwa kyrpaad ko ya ka DSC ka West Jaiñtia Hills wow kyrriah ya ka Exam khnang wow lait u ya tyngkhooh wa ka sngi wa pynman ya ka Exam MPSC neibynta u myntoi hok ki khynnah.
Discussion about this post