Ka seiñ JSU (Shillong Circle) de kyrpaad ko ya ki tre yung wow yarap u maap bai yungwai chibnai neibynta kitu ki khynnah puræ kiwa wan sakhiat naki yung ki wa dooh kamjooh ka seiñ kyrpaad ko wym hoi u pynbor yow su pynsmat ya ki bai yung wai kam heini i por.
Ka seiñ JSU (Shillong Circle) lyngba u President yong ka u Treiborlang R Suchen, da ong u wa ka seiñ em ko yei sñiawkhia wa joor ñeibynta ki khynnah puræ kiwa dooh kiwa sah ha sorbah Shillong wa ha Jowai ñeibhah ka seiñ wym em kwah ko u yoo wa ki kynnah u pep skur ki du chiteiñ neibynta wa leh kani ka khang chnong kawa boon sngi.
Uwa yahkhmat yong kani ka seiñ da ong u leh kam heinì i por wa chem chitom chem eh lang i waroh, boon ki khynnah puræ kiwa chem sakhiat yei kutlaad neibhah ki bei ki pa ki yong ki ym em yohlaad de ki u lai mylla sngi yow pynbiang wow kyrchaan ha yung yei emkaam waroh ñeibhah wa hap pyndap chwa ki yei baam ha yung yow lait na ka yap thngan kam heini i por wa khang chnong ha waroh kawi ka ri waka jylla.
U Treiborlang R Suchen da ong u leh wa ka seiñ kyrpaad ko sa chisien cha ka sorkar yow pylnait ym du yaka bai skur, emkaam leh u pynlait ya ki bai College kiwa wan na ki manyung kiwa dooh yow lait ki u dam chiteiñ por u lai puræ du neiwa chem chitom ki u su yaki bai skur bai College heini i por wa kyrdooh. Ka seiñ sa chisien kyrpaad ko ya ki tre yung toh u emlang yei mynsien sñiawryai u maap ya ki bai yung chibnai ya kini ki khynnah puræ kiwa dooh yow dam u pyndooh laad wei mynsien ya kiwa puræ chakhmat neibhah wa jinjar poisa wa ka kyrdooh kaam kyrdooh jaam na i khang chnong yow lait nei poor u khniang khlam u COVID 19.
Discussion about this post