Ka Jaintia Youth Federation (JYF) East Jaintia Hills da pynsñiaw ko yei sñiaw diaw hajrong i slem ki MLA wa haap hapoh ka East Jaiñtia wow e yarap ya ki paidbah yong ki artylli ki Constituency hadien wa da chah ktah ha ka Lockdown kawa da lai kattu la chibnai yow yada naka khlam COVID-19.
Ka seiñ da ong ko wa da yoo wa awajan waroh ki MLA da yarap ki cha ki jar jiar ki Constituency yong ki hadien wa ka sorkar da mang ko T. 25 lak naka Scheme MLA wow yarap cha ki paidbah da u khoo wa kiwi kiwi ki marbaam mardih kam wow yarap yaki bru kiwa dooh wa duk kiwa kutlaad khamtam ha kam kini ki por wa ki paidbah emkaam yarap ki neibhah da chah ktah ki hadooh kattæ kattæ hadien wa khang chnong ka sorkar.
Ka kyrwoh wa da phah da u President ka seiñ u J. Pala da ong wa i slem yong ki MLA da pynman yaki paidbah wow dooh noh yei chaniah ya kiwa mihkhmat neibhah wa suki palat wow yarap cha ki paidbah ha kam kini ki por wa emkaam ya i baam khamtam ya u khoo.
U Secretary ka seiñ u B. Chyrmang da kyntu u ya waroh arngut ki MLA, u Kyrmen Shylla na Khliehriat Constituency wa na u Shitlang Pale na Sutnga-Saipung Constituency wow pynlait noh smat yei yarap cha paidbah ka Constituency.
Discussion about this post