Hadien wa mih boon ki ujor na kiwa chong kari kamai heiyatoh wa i rukom thap bru wa i rukom chim bai kari da kiwa yah kari kamai kiwa em hapoh Jaiñtia Hills, heiwa da em leh kattu katni na kiwa yah kari kiwa thap bru palat yeiwa chah, wei da em leh kiwa chim kabu yaka bai kari deiwa chim tam.
Kamtæ heiyatoh wa ini, ka All Jaintia Tourists & Commercial Vehicle Association da booh ko ya i kyrpaad ya waroh kiwa yah kari kamai nadooh ki Bus, ki Swift, Alto 800, Sumo, Maruti Van wa kiwi kiwi wow sñiawbha ki wow bood katkam ki kyndon wa da booh da ka sorkar khnang yow lait u mih iwon iwon iwa sñiawsih hadien.
Ka Association da ong ko leh wa em ki kattu katni kiwa kamai kari kiwa chim kabu wow lai kamai man-ka-sngi wot hadien wa ki bor sorkar da booh ki da ki Number wa ki sngi wa toh wow lai kamai ki. Heiyatoh wa ini, ka seiñ da maham joor ko wa la em kiwon kiwon kiwa leh tam, ka All Jaintia Tourists & Commercial Vehicle Association daw pynshitom ko ki katkam ki aiñ ka Association, wei lada em kiwon kiwon kiwa chah kem ne chah daiñ kuna neiwa leh tam ki, ka seiñ ym em ko yei kitkhlieh.
Ka Wyrta na u Paila K Lyngkot, President All Jaintia Tourists & Commercial Vehicle Association.
