Ka yalang wa pynman jhan da ka Executive Committee ka Synjuk Waheh Chnong Ri-loom Jaiñtia ynne ka sngi ha Lumpyrtuh Mihmyntdu heipor 11:30 i step da chim da i rai wow kyrchaan ya ka chithi wa da e da ka All Jaiñtia Commercial Vehicle Association wow kyrchaanlang haka 01-09-2022 yei lai paidbah namo ka Peace Rally neibynta i chah tynyap ki ar ngut kiwa kamai kari Tourists Taxi.
Kam wow pynkynmoo wa kani ka lai paidbah toh kawa daw sdang heipor 11:00 waje i step na Iawmusiang cha Laad College, kamtæ ka synjuk da kyrpaad ko ya waroh ki Waheh Chnong wow wan yachem ha Iawmusiang ha itai i por wa da kdaw haneiñ.
Da kyrpaad ya phi ki Waheh Chnong wow sñiawbha u wan cha kani ka Rally khlem pep. Da kyrpaad ya ki President, ki Secretary, ki Unit wa ki Circle wow sñiawbha u ya pyntip lang ya ki Waheh Chnong kiwa em hapoh ka thaaiñ yong phi.
Kiwa daw wan cha kani ka lai paidbah wow sñiawbha ki wow Phone ha u President (8974159962) lane u Secretary (9366325979) ka synjuk.
