Ki ar tylli ki seiñ kiwa kynthup yaka Jaintia Students’ Union (JSU) waka Khasi Students’ Union (KSU) deilang wa kiwa yakhun yaka National Eligibility cum Entrance Test (NEET) ha Jaiñtia Hills wa Ri-Bhoi District da yachem ki wa u Montri ka chnat puræ puthi ka jylla, u Rakkam A Sangma ynne yow tuklar wei yaklam waka National Testing Agency (NTA) neibynta wow pynman biang yaka Exam NEET ha kini ki ar tylli ki Center.
Kam wow pynkynmoo wa ki khynroo khyllood kiwa kwah wow lai puræ Doctor da kulmar lut ki hadien wa kiwa pynlai yaki thaw pynman Exam da saam ki ar tylli ki thup Question Paper kiwa phær bak-la-bak haka Exam wa da pynman haka 5 tarik uni u bnai.
Neiliang u General Secretary ka JSU, u Treibor Suchen da ong u wa da em hadooh 400 ngut kiwa thoh yaka Exam NEET ha Jowai Center wa kamwa 60 ngut kiwa thoh ha Nongpoh Center, wei kini kiwa thoh Exam da sepai i por ki hadooh 40 minit naka le kynta chiteiñ neidaw wa bakla kiwa pynlai ya kani ka Exam.
Neiliang kiwa thoh Exam deilang wa ki dkhot ka ar seiñ da kyrpaad ki na ka sorkar wow yaklam waka NTA yow pynman biang ya kani ka NEET.
Discussion about this post