Kyrpaad ki Garo na Assam wow booh ya u mot sahnaam ya u Zubeen Garg ha Tura

I yap syndet u Zubeen Garg da wanrah i yei khyrngiat wei sñiawsih ya kiwa boon ha ka jylla Assam heiwa ki Garo na ka yungmane ha Chamaguri, Goalpara District da pynman ki yei kynmoo warom ya uni u khloor ka Assam.

Ya ini i kynmoo warom da leh da ka All Assam Garo NGO’s Forum heiwa da pynman ya i ngoohblai ya u Zubeen Garg chirup wa i puræ ya ka Bible. 

Kawi na kiwa kreh monsñiawbha na ka jaitbru Garo, ka Riya Sangma kawa da jooh rwai wa u Zubeen Garg ha ki por wa dadep da embynta ko ha ini i kynmoo warom.

Kiwa klam na ka jaitbru Garo da ong ki wa u Zubeen Garg man u ka yingkieñ hapyrdi ki jaitbru waphær waphær.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Ka Riya Sangma da kyntu ko leh ya u Chief Minister ka Meghalaya, u Conrad Sangma wow chna ya i thaw næ wow booh u mot sahnaam u Zubeen ha Tura, iwa man i thaw wa da kha ya oo.

Da ong ko wa deiwa pynsahnaam ya oo daw ye u pynneh i yei parom u ha ki pateiñ wow wan neibhah wa da ye u wow wanrah yei yatylli hapyrdi ki jaitbru waphær waphær wei ya ki pateiñ u bood ki ya ki dak kjat yong oo.