Kyrpaad u tre ya kiwa chem yaka Phone wa toh pynwiar wow pynuiñ ka

Ynne ka sngi da toh pynwiar ya kawi ka Phone Redmi Note 11 Pro yong u P. Rymbai hadien wa da dep thied kot na kawi ka dukan deiwa su leh ya ka bai tiar da ka Google Pay lyngba kani ka Phone hi wei da mih na kani ka dukan deiwa ku wot ha kawi ka Local Taxi yow lai cha Pohskur (Mission Compound), Jowai.

Hapoh kani ka kari da em uwa yah kari wa uwi u khynnah wa dang 10 snem i rta uwa tipmit ya uni uwa yah kari. Hadien wa da hiar kari ha Pohskur hajan ka yung krehkaam ka Synod da chem wa da wiar ka Phone wei hadien kattu katni por da Phone ka kani ka Phone wei da chem toh kawa da tympleh (Switched Off) heipor kamwa 3:40 hadooh 4:00 waje i janmiet.

Kamtæ neiliang u tre da kyrpaad ya uwa yah kari næ kiwon kiwon kiwa chem wow sñiawbha wow pynuiñ ya kani ka Phone neibhah man ko kawa em boon iwa emkaam wei ya kiwa pynuiñ daw e nong sñiawbha ya ki.

“Sñiawbha lok pyndong ya kani ka Phone, kam ki para bru, dei mynsien wa khian kyrpaad O ya phi u sñiawbha phi u e biang ka. Deiwa Phone phi kini ki Number- 8974752387/8729941979,” da ong u tre.