Jowai : Ka seiñ Khasi Jaintia National Union (KJNU) Womens’ Wing, da kyrpad ko ya ki bor yong ka aiñ kiwa pait ya kani ka kaam e jamin ya ki le ngut ki bru kiwa yoh kem ha lad Smit kiwa kynthup ya ka kong Teimon Chyrmang na Jalaphet, East Jaiñtia, u Chemi Phawa na Mihmyntdu, West Jaiñtia Hills wa ya ka Kong Lorisloma Siangshai, na Wapungskur, East Jaiñtia Hills hajrong i thmu yong ki u pyllai yaw ya ka poisa thok kawa poi hadooh T. 1,43,500.
Ka seiñ KJNU WW da yaroh ki ya u Superintendent of Police ka East Khasi Hills, u MH Kharkrang wa ya ki pulit ka Special Cell kiwa kreh chitom hadooh wow yoh kem ya kitai ki damok, neibhah kine ki bru du ha ri-loom Jaiñtia leh da dep ki u thok chukor ya ki bru ha kiwa boon rukom khamtam wa ki kaam poisa poilaiñ.
Kamtæ neiliang ka seiñ sa chisien da kyrpad ki ya ki bor ka aiñ yow pynchitom ya ki katkam ki kaam sih yong ki.
Ka seiñ ngait skhem ko wa deiwa yoh kem ya ki tai ki le ngut ki pulit daw chem kse chooh chooh ki ya kiwa em kti hei pyllai ya kini ka poisa thok da ong ka President ka seiñ ka kong Balarina Shullai.
Discussion about this post