Jowai: U surok PWD na Thadbamon cha chnong Lummooriap, Elaka Mynsoo toh u sarok wa da pynkreh da boon snem da ka PWD tangwa hadooh katni leh ym dep de weiwa ym siang rong de ia Oo ong ki nongchong chnong kani ka thain.
Da ong wa ia uni u sarok hadien wa da dep u tih khyndaw da ieh hi eh ia Oo kamtu donhi khlem siang moo siang rong hadooh katni. Katni da man u sarok khyndaw don hi. Kani da booh ko ia kiwa lai wa wan ha i jingeh wa joor bha neibhah kiwa lai cha Nartiang kam cha ka PHC wa ka Thadlaskein Rural Development Rural Block da man ko wa chitom ia ki hadooh katte katte. Kani da ktah ko leh ia ka lai iaw lai khat ki bru katai ka thain.
Kmatæ ki nongchong chnong da kyrpad ki na ka sorkar yow siang rong smat noh ko ia uni u sarok iow suk ka lai ka wan ki paidbah. Da kyntu ki leh ia ki nongmihkhmat wa da jied ki u chim khia ia ini i kam deiwa li kyntu ia ka sorkar iow chna smat noh ko ia uni u sarok.
Discussion about this post