Jowai: Ka Jawaharlal Nehru University (JNU), New Delhi da kyrriah ko ya ka centre na Shillong neibynta ka Entrance Test cha Guwahati wa na Srinagar cha Jammu, da ong kiwa pyllai ya ka ynne ka sngi.
Ya ini i kyrriah ya kini ki Centre da leh hadien wa ki bor wa pait ya ki Kendriya Vidyalaya da sñiawkhia ki yei rukom man i tlang ha u Kmaichonglad (December) heiwa ym miat u pynman ya ki exam.
“Ki Candidates kiwa daw yaleh ya ka JNU Entrance Examination ha uni u bnai wow wan ha Shillong (Meghalaya) wa Srinagar (Jammu and Kashmir) da kyrriah cha Guwahati wa Jammu” da ong ki bor pyllai.
Da em hadooh kamwa 1 lak ngut ki candidate ki wow yaleh ya kani ka JNU Entrance Examination (JNUEE) kawa da booh wow pynman hapyrdi ka 23 wa 27 Kmaichonglad.
Kani ka skurbah da booh ko 81 tylli ki Centre ha kylleiñ ka ri awjan ha waroh ki jylla wa ki Union Territory wa ka wi ha Kathmandu da ong u JNU Rector u Chintamani Mahapatra.
Discussion about this post