La 10 snem lai luti ka Skur Sikai Niamtre ka Mukhla Nongrim

Jowai: Da pynemwarom yei lehkmen dap 10 snem ka Skur Hikai Niamtre ka chnong Mukhla Nongrim ynnin ka sngi 9 tarik.

Ya kani ka skur da seiñ ya ka ha ka 9 Naiynñiaw 2007 da u waheh Standby-me Sari ryngkat wa ki le ngut ki kynthai kiwa kynthup ya ka Langroit Suna, ka Kylluid Suna wa ka Leadme Suna.

Ha kani ka sngi dawan sakhi lang da u Wailadmiki Shylla kam u kongsan heiwa da yoh leh yei klam na u Standby me Sari kam uwa seiñ ya kani ka skur uwa da batai chaphang i lai luti yong ka ha kitu ki por iwa da em boon ki moochynthut.

Ha kani ka sngi da yoh leh ya ki kyntien sneiñ na u Waheh Chnong ka Mukhla Nongrim u Mista Suna na u Secretary chnong u Lakhon Sari na u Wanbha Lyngdoh u Langdon Niam ka Raij Mukhla, na ka Yoobha Sumer President ka Seiñ Kynthai ka Seiñ Raij Mukhla, da yoh leh ya ki kyntien snieñ na u Hamjhan Dkhar na ka Raij Raliang wa na u Moonlight Ktung na ka Sein Raij Nartiang.

Related posts

Pynman ka Tuber Chohchrieh yei jied waheh chnong

May 17, 2025

I pyntip wa emkaam ya ki khon ka Seiñkur Langi

May 11, 2025

Ha kani ka sngi da yoh ya ki chaad tynre da ki khynnah ka skur ka Niamtre Mukhla Nongrim.

Ha kani ka sngi da pynkup burom ya kini ki soo ngut ki wa seiñ ya kani ka skur Hikai Niamtre.

Ya kani ka yalang da pyllai da u Ryngkatlang Sari uwa man kam u President ka Seiñ Kyntu Niamtre ka Dorbar Chnong Mukhla Nongrim.