15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Pyn na kata e Ambulance u Justine Dkhar cha ki ar chnong ka East Jaiñtia

0 Comments
Advertisement ad1
Advertisement ad1

Jowai: U MLA ka Khliehriat u Justine Dkhar ynne ka sngi da e kari kit wakjut u namo ka Ambulance cha ki ar chnong ka Pamrakmai waka Pamrapaithlu kawa da pyllut u na kata yong oo hi.

Ha kani ka sngi ya ka yalang da pyllai da u Robin Dkhar hei emlang u Waheh Chnong ka Pamrakmai wa u Waheh Chnong ka Sohkymphor wa kiwi kiwa heh wa san na kylleiñ ka chnong hapoh ka 6-Khliehriat Constituency.

U Solomon Dkhar General Secy. of Sports and Socio Cultural da ong u wa katwon sñiawngooh u ya u MLA wa sai u da ka yong oo hi ka poisa heiwa kani ka Ambulance daw yarap ko ya waroh nadooh kiwa dooh wa duk hadooh kiwa biang wa dap heipor wa chitom ki.

U Waheh Chnong ka Sohkymphor ong u wa da yaar u chem wa u MLA sai u da ka yong oo hi ka poisa yow yarap da ka Ambulance.

U Phasmon Dkhar won da ong u ymtoh u sñiawphylla yeini i leh u MLA neibhah nadooh wa sdang leh da chakri hok u ya ki paidbah wei ym em artatien wa oo toh uwa biang dooh u yah khmat biang ya ki paidbah ka 6-Khliehriat Constituency wei emkaam i kyrchaan ki paidbah yow pyntikna wa ka Constituency ym sahdien ko.

U MLA won da ong u wa hadien wa wan ki paidbah wow paan Ambulance na oo, oo ym em kyntait u yeini wei da smat u wow yarap ya ki. Da kyntu u ya ki paidbah leh wow sumaar syndong ya kani ka Ambulance kam ka khon yong ki wei ymtoh wow pynemkaam bakla ya ka.

Da kular u leh wow wanrah boon ki kaam pynroi  kam wow chna sarok, ki luti kjat, u pynyoh umdih wei ya waroh ki kaam wa da dep leh u daw pynbna paidbah u heipor wa biang.

Ya ki ktien e khublei da yoh na u Barius Rymbai uwa da ong wa ki paidbah ym mylliñ ki ya ki kaam wa bha wa leh u MLA wei manda poi i por daw yoo u ya i kyrchaan yonglang ki paidbah ya oo.

Share this:
Previous

Ka Scholarship ya kiwa leh bha ha ka SSLC 2017-18

Next

La 10 snem lai luti ka Skur Sikai Niamtre ka Mukhla Nongrim